@होळी आणि गाणी…

होळी आणि रंगपंचमी निमित्ताने लेखिका रुचिरा बेटकर यांचा विशेष प्रासंगिक लेख वाचकांसाठी….

अंबुज प्रहार विशेष -संपादक

@होळी आणि गाणी…

होळी हा असा एक सण आहे,जो केवळ भारतातच नाही तर भारताबाहेरील अनेक देशांमध्ये मोठ्या उत्साहाने साजरा केला जातो.होळीच्या दिवशी विविध प्रकारच्या खाद्यपदार्थांची रेलचेल सुद्धा राहते.अलीकडच्या काळात होळी सेलिब्रेशन करण्यासाठी वेगवेगळे इव्हेंट ऑर्गनाइज केले जात आहेत.एकमेकांना रंगाने रंगवून होळी स्पेशल गाणी लावून खूप धमाल केली जाते.

होळी खेळताना गाणी वाजवली नाही तर ही होळी अपूर्ण वाटते.आधीच्या काळापासून होळीच्या दिवशी लोक स्वतः गाणी म्हणायचे,कालांतराने त्यात गाण्यांची वाढ झाली.त्याच गाण्यांच्या तालावर लोक नाचताना दिसत आहेत.परंतू होळी तोंडावर आली असताना धमाल करायला गाणीच आठवत नाहीत…मराठी आणि हिंदी गाण्यांमुळे होळीच्या सणाला खुप धमाल घातली जाते.चला तर मग,या ह्या होळीला गाण्यांवर नाचण्यासाठी सज्ज व्हा.
“खेळताना रंग बाई होळीचा होळीचा…फाटला गं कोना माझ्या चोळीचा”…
१९७१ वर्षातील हे गाणं जुनं आहे पण होळीसाठीच पक्कं समीकरण आहे.सुलोचना चव्हाण यांनी गायलेलं हे गाणं विठ्ठल शिंदे यांनी ते संगीतबद्ध केलेलं आहे.
“चिकना चिकना म्हावरा माझा” या अल्बम मधील ” आमच्या दाराशी हाय शिमगा” या गाण्याला होळीच्या दिवशी विशेष महत्त्व आहे.या गाण्याच्या बोलातून समस्त कोळी-आगरी बांधवांच्या भावना व्यक्त झालेल्या आहेत.
१९७५ साली शोले चित्रपटातील आनंद बक्षी यांनी लिहिलेलं,आर. डी.बर्मन यांनी संगीतबद्ध केलेलं व किशोर कुमार आणि लता मंगेशकर यांनी गायलेल्या या गाण्याबद्दल काय बोलावं.शोले चित्रपटाने स्वतःचा असा एक इतिहास रचला हे सगळ्यांनाच माहीत आहे.”होली कब है या संवादासह…”होली के दिन दिल जब खिल जाते है…रंगो में रंग मिली जाते है…गिले शिकवे भूल के दोस्तों… दुश्मन भी गले मिल जाती है…!”अशा या गाण्याच्या बोलांनी त्या काळात प्रचंड अशी लोकप्रियता मिळवली आहे.होळी आली आणि हे गाणं वाजलं नाही असं कधीच होणार नाही.
स्वतः अमिताभ बच्चन यानी गायलेलं सिलसिला या चित्रपटातील “रंग बरसे भीगे चुनरवाली…रंग बरसे” हे गाणं हरिवंशराय बच्चन यांनी शब्दबद्ध केले आहे. १९८१ साली हा चित्रपट आला होता.या गाण्याची लोकप्रियता आजही तेवढीच आहे.
२००३ साली प्रदर्शित झालेल्या बागबान या चित्रपटातील होळी स्पेशल गाणं म्हणजे “होरी खेले रघूवीरा…अवध में “होरी खेले रघूवीरा….” अमिताभ बच्चन,अल्का याग्निक,सुखविंदर सिंग आणि उदीत नारायण यांनी गायलेलं हे गाणं आदेश श्रीवास्तव यांनी संगीतबद्ध केलेलं आहे.
मोहब्बतें या चित्रपटातील गाणी सुद्धा तेवढीच लोकप्रिय झाली होती.”सोनी सोनी…अखियों वाली” हे गाणं सुद्धा होळी स्पेशल असून आनंद बक्षी यांनी लिहिलेलं असून जतीन ललित यांनी संगीतबद्ध केलेलं आहे.
“जुनं ते सोनं” कितीही नवीन गाणी आली तरी काही गाणी ही जूनी असली तरी आजही ऐकायला गोड वाटतात.“अंग से अंग लगाना” हे “डर” या चित्रपटातील गाणही तसच आहे.शाहरुख खान,सनी देओल आणि जुही चावला यांच्यावर चित्रित झालेलं हे गाणं आहे.
रितेश देशमुख यांचा लयभारी आणि माऊली या चित्रपटातील रितेश देशमुख आणि जेनेलिया यांच्यावर चित्रित झालेलं गाणं “आला होळीचा सण लय भारी” आणि “ज़रा पिरमानं वाग,माझा लयभारी स्वॅग…तुझ्या लवर चा टॅग मला देवून टाक…आत्ता कशाचा राग…हा तर पेरमाचा डाग…
तुझ्या साडीला सर्फ लावून धुवून टाक…” ह्या दोन्ही गाण्यांना अजय अतुल यांनी संगीतबद्ध केलेलं आहे.
आताच्या तरूणाईला वेड लावणारी ही गाणी आहेत.
हल्लीच्या काळात ही होळीवर खुप गाणी चित्रित झाली आहेत आणि प्रचंड लोकप्रियता ही या गाण्यांला मिळाली आहे.
” रेस अगेन्स्ट द टाईम” वक्त या चित्रपटातील “उफ्फ ये होली हाय ये होली…” हे गाणं अक्षय कुमार आणि प्रियांका चोप्रा यांच्यावर चित्रित झालेलं आहे.
२०१७ मधील चित्रप जॉली एल.एल.बी.या चित्रपटातील “गो पागल” हे गाणं असंच काहीसं आहे.निंदी कौर आणि रफ्तार यांनी हे गाणं गायलं आहे.
“ये जवानी है दिवानी” या चित्रपटातील “बलम पिचकारी …जो तुने मुझे मारी”,२०१९ साली हृतिक रोशन आणि टायगर श्रॉफ यांचा वॉर हा चित्रपट प्रदर्शित झाला होता. त्यातील “जय जय शिवशंकर” हे लोकांना विशेष आवडलं.
 ” अरे सुन साराअअअअआ रंग बता ब्ल्यु या लाल…. बद्री की दुल्हनियाँ” हे गाणं सुद्धा होळी खेळताना आवर्जून लावलं जातं. बद्रीनाथ की दुल्हनियाँ या चित्रपटातील हे गाणं आलिया भट्ट आणि वरूण धवण यांच्यावर चित्रित झालेलं आहे.याचबरोबर “अरे जा रे हट हट ना छुना मेरा घुंगट…पलट के दूंगी आज तुझे गाली रे…”, जुगी जी वा जुगी जी”,”अगं नाच नाच नाच राधे उडुया रंग”,”आज गोकुळात रंग खेळतो हरी राधिके जरा जपून जा तुझ्या घरी”… आणि रामलीला सिनेमातील “लहू मूँह लग गया..”हे गाणंही गरबा आणि होळीमुळे खास लक्षात राहिलेलं आहे.

खरं तर मित्रांनो,अजून अशी बरीच हिंदी-मराठी चित्रपटातील गाणी आहेत जी होळीशी त्यांचा संबंध नसताना देखील तुम्हाला रंगपंचमीच्या दिवशी ऐकायला मिळतील.पण आज मी तुम्हाला जी गाणी सांगितली आहेत ती फक्त होळी यावर चित्रित करण्यात आलेली आहेत.होळीचा आनंद द्विगुणित करण्यासाठी निवडा ही काही खास गाणी नैसर्गिक रंगासह.
तुम्हाला पुन्हा एकदा रंगपंचमीच्या खुप खुप शुभेच्छा!
रूचिरा बेटकर,नांदेड.
9970774211