पत्रकार बी.आर.पांचाळ यांना दर्पणकार बाळशास्त्री जांभेकर कर्मयोगी राष्ट्रीय पुरस्कार घोषित
अंबुज प्रहार प्रतिनिधी
भोकर : भोकर येथील जेष्ठ पत्रकार बी.आर.पांचाळ यांनी पत्रकारिता क्षेत्रात केलेल्या उत्कृष्ट कार्याबद्दल दर्पणकार बाळशास्त्री जांभेकर पत्रकार संघ नाशिक यांच्या वतीने दिला जाणारा ‘दर्पणकार बाळशास्त्री जांभेकर कर्मयोगी राष्ट्रीय पुरस्कार’ नुकताच घोषित झाला असून पत्रकार दिनाच्या पूर्वसंध्येला दि.५ जानेवारी रोजी नाशिक येथे उपस्थित मान्यवरांच्या हस्ते हा पुरस्कार प्रदान करुन त्यांना सन्मानित करण्यात येणार आहे.
पत्रकारिता क्षेत्रात जवळपास ३५ वर्षांपेक्षा अधिक काळात पत्रकार बी.आर.पांचाळ यांनी सामाजिक लिखाण करून सर्वसामान्यांच्या प्रश्नांना न्याय दिला.ग्रामस्वच्छता अभियान, स्वच्छ सुंदर गाव,व्यसनमुक्ती,जलसंधारण, वृक्षारोपण,पाणी आडवा पाणी जिरवा,आदर्श गावांची संकल्पना,आरोग्य, शिक्षण,शेती व महिलांचे प्रश्न,रखडलेले ग्रामविकासाचे प्रश्न, अशा अनेक विषयावर त्यांनी लिखाण करून सामाजिक बांधिलकी जोपासली आहे.त्यांच्या उत्कृष्ट लिखाणाची दखल घेऊन यापूर्वी त्यांना जिल्हास्तरीय,मराठवाडा स्तरीय, पुरस्काराने सन्मानित करण्यात आले आहे.शासनाचे व विविध संस्थांचे देखील पुरस्कार त्यांना मिळाले आहेत.नुकताच नाशिक येथील दर्पणकार बाळशास्त्री जांभेकर पत्रकार संघाचे राष्ट्रीय अध्यक्ष डॉ.महेंद्र देशपांडे यांनी त्यांच्या संघाच्या वतीने दिला जाणारा ‘कर्मयोगी बाळशास्त्री जांभेकर राष्ट्रीय पुरस्कार’ त्यांना घोषित केला असून पत्रकार दिनाच्या पूर्वसंध्येला दि.५ जानेवारी २०२५ रोजी नाशिक येथे होणाऱ्या सोहषळ्यात उपस्थित मान्यवरांच्या हस्ते पुरस्काराचे वितरण होणार आहे. सदरील पुरस्कारासंबंधीतचे पत्र बी.आर.पांचाळ यांना प्राप्त झाले असून त्यांना मिळणार असलेल्या पुरस्काराबद्दल त्यांचे विविध स्तरातून अभिनंदन होत आहे.